張致恒大仔生日感觸多　叮囑唔好學老竇一事無成

藝人張致恒（Steven）同老婆雯雯生夠4個，負擔大到難以想像，他近日轉做外賣仔賣菠蘿油，望搵得幾多得幾多，不過一樣被網民寸他博眼球。然而，他的大仔張天寶5歲生日，他除了首次擺出一家六口照外，為留下感言，叫大仔千祈唔好學老竇。

他寫道：「張天寶五歲生日快樂，轉眼間就已經五歲了，日子過得好快，想當日仲趴喺我心口度瞓覺我喺度打機，依家百厭調皮直情係一隻馬騮，我冇咩嘢寄望，只係寄望你快高長大～健康成長～努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！超級愛你的daddy上！」網民留言讚Steven終於講番句真話，希望天寶可以生性做人，快高長大！