保錡10年前演出被翻Loop　惹整容疑雲

男團ERROR成員吳保錡未參加《全民造星》之前，曾拍過電影同MV，近日有網民發現佢原來拍過2014年上映嘅電影《男人唔可以窮》，戲中佢演同性戀者，更刻意吊高聲線扮娘娘腔，其中一幕佢翹住密友鄧麗欣隻手行，黃宗澤以為佢係情敵，仲一拳打落去保錡度添！

由於佢當時個樣子青澀，同依家散發出強烈男人味嘅佢，望落有啲唔同，被網民質疑係咪整過容。不過有網民就幫佢護航，認為五官睇落都認到係保錡，同埋以前冇人幫手化妝，所以個樣會有啲唔同，加上套戲已經係10年前拍，經過10年個樣有啲變都唔出奇呀！