吳若希當眾重提情傷　自爆被吳業坤老友Hurt

吳業坤（坤坤）及吳若希（Jinny）同為無綫藝人，且分屬公司旗下兩間唱片公司的「一哥」及「一姐」，不時同場出席活動之外，更於去年合拍劇集《香港人在北京》，友情及默契度毋庸置疑。二人今次獲邀為繽FUN星網節目《真係咁Friend？》擔任嘉賓，全程發放笑彈，但Jinny卻突然殺坤坤一個措手不及，重提昔日被其好友玩弄感情，生不如死！

「雙吳」同場必定嘻嘻哈哈，令現場氣氛高漲。Jinny在2選1遊戲環節中，被問到「自己出軌或另一半出軌」，她竟然重提昔日情傷：「我唔可以畀人傷害，畀男仔玩嘅時候，我真係覺得自己就死咁，其中一個係你嘅朋友」，嚇得坤坤頓時啞口無言。當坤坤被問及「視帝視后或紅館再開演唱會」時，則趁機在鏡頭前「𢱑撈」：「梗係視帝視后，只係爭個機會，TVB畀個男主角我做」，隨後在回答「最唔想同邊一位演員合作 」，坤坤表示在腦海中浮現一個畫面，而該人竟是洪永城，想知到底為何，立即去片看看吧！