王一博《人鱼》女主诞生？将由黄磊18岁女儿饰演

内地顶流小生王一博，将出演由电影《无名》导演程耳执导嘅《人鱼》，不过就因女主角人选未定，早前亦一度传出将由赵丽颖出演嘅传闻，而随着被证实系粉丝P图嘅假消息后，日前又再传出《人鱼》女主角，将由内地演员黄磊及孙莉嘅女儿黄多多出演，虽然2人合作尚未被证实，但已喺内地社交网掀起讨论热潮。

事实上，星二代黄多多（本名：黄忆慈）曾同爸爸黄磊出演过《爸爸去哪儿》，并以懂心、贴心及好家教人设成功入屋，备受好评嘅佢亦被网友封为“国民女儿”，如今18岁嘅佢更系长得亭亭玉立，有着亮丽外形及苗条身材外，清新嘅文青气质亦令佢喺众多星二代成功抢Fo之馀，更曾出演台湾知名舞台剧赖声川嘅舞台剧，精湛嘅演技亦令佢圈粉无数。可惜人红自然是非多，身为星二代嘅佢早前亦多次因为化妆、穿耳及衣着风格饱受外界抨击，甚至仲被传出诋毁声誉嘅不实谣言，令妈咪孙莉嬲到报警处理，即使有搵出造谣者，但最后一家人都系选择唔追究：“一个小女孩受到这样的伤害，我们和多多还是选择了原谅对方并一直没发声。”