湯盈盈為角色扮醜嗌後悔　周家怡戴牙套扮兔唇整崩牙

女星湯盈盈及周家怡為無綫節目《Mayanne小喇叭》任嘉賓，與主持麥美恩（Mayanne）大談女人經，兩位嘉賓於演藝生涯均曾犧牲過靚樣，如盈盈於《阿旺新傳》飾演李笑好，她說：「呢個角色好深刻，記得嗰陣時監製黃偉聲同我講要做呢個角色，我有好多Idea，好似唔洗頭、堂眉唔抆、到時再畀個假牙我。真係試造型時，嘩，真係好醜樣，好後悔呀。」家怡則自爆拍攝《火舞黃沙》時，戴牙套扮兔唇搞到牙都崩，並表示為了代入角色長期戴住牙套：「我連出街都戴住，我試過去便利店買嘢畀人影到！」

講到感情方面，37歲的Mayanne透露被母親瘋狂催婚，身為單身貴族的家怡就笑就：「你會經過㗎，因為佢哋會擔心你老咗冇人照顧。」更向Mayanne傳授如何應付長輩催婚，至於生兒育女問題，事業正值上升的Mayanne坦言現在未知是否最好時機，盈盈提議她可以雪卵，Mayanne指除了身體上要配合，亦要具備一定財力，皆因雪卵一次要花8至10萬元不等，更大嘆：「事業上要好成功，先有能力去養呢啲卵子！」