張蔓莎張蔓姿衣着打扮各具特色　視旺角為潮流啟蒙地

孖生歌手張蔓姿（Gigi）與張蔓莎（Sabrina）近日應邀出席在旺角舉行的美妝活動，兩人雖是孖生姊妹，但打扮風格截然不同，姐姐Gigi以短髮展人，打扮中性型格，妹妹Sabrina一頭長髮，喜歡以文青風格示人，談到穿着打扮，Gigi表示：「我哋自細就會為對方嘅穿搭畀意見，亦都成日一齊出街買衫、飾物、化妝品。我哋依家嘅潮流觸覺同埋風格品味，係結合咗兩個人嘅見解，形成我哋各自喜歡，又足以代表我哋嘅獨特風格。」至於Sabrina稱以前不時會到旺角買衫，她說：「旺角可以話係我哋兩姐妹嘅潮流啟蒙地，我哋見到雜誌嘅靚衫靚嘢，就會嚟旺角搵相似風格嘅嘢，再自己mix and match。」