周杰倫無懼「官方黃牛」風波　杭州騷第二次開售同樣秒殺

台灣天王周杰倫（周董）早前陷杭州場演唱會門票風波，因粉絲需要課金成為官方粉絲App「超級VIP」，先可以另外以「J幣」搶飛，被網民抨擊搶錢，今日（12日）官方再宣布周杰倫杭州演唱會二次售票。公告顯示，本次收票期間下單成功嘅客戶將享有24小時內無條件退款，24小時後則停止退票。本場演出依舊為實名制觀演，禁止轉贈。雖然今次平台放票超過12萬張，但仍有過百萬粉絲湧入網站搶飛，依舊秒速售罄，大批粉絲買唔到想睇嘅場次，明顯未有受早前「最大的黃牛就是官方」嘅事件影響。