何超蓮自爆「許太」身份　風騷同框許光漢

台灣男神許光漢迷倒萬千少女，但原來連有位靚仔老公嘅賭王千金何超蓮，亦抵受唔住其魅力，成為「許太太」一份子！日前超蓮於日本東京亮相品牌活動，現場有多位國際紅星，不過超蓮第一時間就同男神許光漢集郵，並上載至社交網，相中超蓮以透視黑色Tube Dress晚裝上陣，有料身材若隱若現，與身旁同穿黑色西裝的許光漢襯到絕，不少網民即大讚：「靚仔靚女」、「好養眼」、「首圖就有大帥哥！」