「美魔女」顧紀筠飯敍巧遇周潤發　凍齡靚樣嚇窒網友

有「美魔女」之稱嘅藝人顧紀筠，自1980年已經加入麗的電視做主持，1999年再加盟TVB，入行逾44年嘅佢，喺圈中嘅好友更係多不勝數。而日前，出席友人生日飯敍嘅佢，更幸運巧遇偶像周潤發外，更獲得對方噓寒問暖關心，認真令人羨慕。

日前，顧紀筠喺社交網晒出同周潤發嘅合照道：「快樂的日子遇上偶像，第一句問：『生意做成點？』第二句話：『跑下步啦！』#周潤發 #超慢跑 #真關心」雖然獲得周潤發關心，引嚟唔少網友羨慕，但顧紀筠凍齡有道嘅靚樣，亦引嚟唔少網友留言激讚：「你真係好漂亮！衣品又極好！」