從小成為蚊蟲目標　朱晨麗習慣當犧牲者

無綫花旦朱晨麗(朱朱)早前完成劇集《反黑英雄》後，近日現身內地出席網劇《歸棹》開機儀式，同場還有黃浩然，向來容易惹蚊蟲的她，於開機日已被蚊子狠狠釘了一口，朱朱接受東網訪問時笑說：「我估唔關血型事，係啲蚊鍾意圍住我轉，總之無論任何人只要靠近我，佢哋就唔會畀蚊咬到，因為我會幫大家擋晒啲蚊(啲蚊無時無刻都咬你？)通常下午4、5點就開始多蚊，我就會狂噴蚊怕水同不停郁，咁樣先唔會中太多，或者唔會被咬中，但如果要去樹林入面拍嘢，就真係好大件事，除咗蚊之外，仲會有好多蟲都鍾意飛埋嚟。」

令朱朱印象最深，可算是童年時一次學校旅行，她說：「有次學校老師帶我哋去參觀，一大班同學喺度，但隻蟲只係爬去我身上，仲要唔只一次，當時我係驚到大叫，但後來再遇上呢啲情況，已經變得好鎮定，我真係唔知點解自己特別惹蚊蟲，可能身體有散發一陣味吸引到昆蟲，所以好佩服啲人去camping住一、兩晚，我冇辦法想像，結果我去嘅話結果會係點。」