陳嘉樺愛子7歲生日　1暖男舉動勁窩心

台灣女團S.H.E成員陳嘉樺（Ella），出道多年嘅佢人氣仍高踞不下，並不時透過社交網同粉絲分享生活點滴嘅佢，日前亦特別發文祝賀囝囝「勁寶」嘅7歲生日道：「親愛的勁寶！生日快樂！爸爸媽媽真的好愛你！」並晒出自己同囝囝喺公園玩嘅日常照，只見身穿白Tee戴Cap帽嘅勁寶，身高已經明顯高到去Ella胸前，其中一張Ella頑皮倒掛喺單槓上嘅相，更睇得出勁寶人仔細細，已經有一顆暖男嘅心。

對於仔仔嘅生日，Ella亦許愿道：「爸爸媽媽真的好愛你，你的存在一直提醒着我們，愛很簡單、很直接，不需要任何條件，愛你就是你，愛我就是我，時間很快，一下子就七歲了，但我知道我們永遠都會這麼相愛，沒有時間和空間的限制，謝謝你來到我們家，謝謝你在茫茫宇宙裏找到我，媽媽要哭了！」