金像獎︱梁朝偉No Show照攞獎　6度稱影帝前無古人

千呼萬喚，《第42屆香港電影金像獎》最佳男主角今晚（14日）揭盅。身為3料影帝的梁朝偉今晚雖然沒有到場，但仍以大熱姿態憑《金手指》，第6度膺最佳男主角，前無古人。

身在外地拍戲的偉仔透過視像講得獎感受，由於訊號有所遲緩，令他一度要問大會是否能講得獎感言，場面有點搞笑。

今次第六度奪得金像獎影帝的他，直言：「今次相隔十幾年再攞獎，好開心，首先好多謝香港電影金像獎，好多謝英皇娛樂，同埋《金手指》台前幕後嘅團隊，同埋過往四十幾年喺我嘅演藝生捱陪伴我嘅觀眾同朋友。」而他的太太大讚他是偉大的演員，對此，偉仔頗為激動地表示：「唔係，好演員。」

影帝獎項原本由劉青雲與袁詠儀擔任頒獎嘉賓，但因青雲病了，改由古天樂上陣，古天樂亦很搞笑地全程用劉青雲的讀稿，與袁詠儀一起傾偈，場面趣怪，全場笑爆。

「最佳電影」由《毒舌大狀》奪得，由監製江志強及導演吳煒倫率領全片演員上台領獎，吳煒倫感謝投票及買飛入場支持該片的人，更說：「呢套戲拍得最開心係感受到台前幕後工作人員、演員都上下一心去拍，呢件事比攞獎更重要，希望喺愈艱難拍戲嘅時候，大家都上下一心，一齊做好手頭電影。」