金像獎︱何啟華自認影壇小幼苗　加片酬要等公司答應

藝人何啟華（Dee）昨晚（14日）現身有份演出的電影《毒舌大狀》的慶功宴，他自認只是影壇小幼苗：「我連人都唔係，只係生長中，仲未脫離植物生活做個人。」他希望能再原班底合作，笑言作為幼苗要爭氣，又指最重要是追求電影質素，問到想拍甚麼題材？他說：「呢個班底好多題材都可以拍，老中青都有，大家可以互補。（邊個老？）邊個唔喺度講邊個，栢天男啦，佢滿面鬍鬚。」問到會否加片酬？他笑言：「好吖，睇吓公司肯唔肯。唔係講片酬，拍戲唔係為搵錢，拍廣告先係搵錢，拍戲係好辛苦，大家都拍到爆腎爛肝，小啲夢想都做唔到電影業，如果想搵食就要做其他嘢。（幾時再拍電影？）希望有啦！唔方便透露。」