Baby現身金像獎速上熱搜　張嘉倪難堪處境曝光

Angelababy尋晚（14日）高調出席香港金像獎頒獎禮，一口氣連換兩套靚裙現身，成佢「復出」後頭炮正武公開活動，更輕鬆提到今次只係留喺香港3日，跟住就要趕返內地湊阿仔「小海棉」。罕有露面嘅Baby終於正式見人，意味住佢獲「解封」正式復出，更為佢帶嚟「#Angelababy說小海綿只怕她」上熱搜，似乎外間態度頗為正面。

內地有娛樂博主分析，Baby依家出席金像獎，即係佢可以參加主流活動，但同被「19禁騷風波」影響嘅張嘉倪，到依家個社交網仍被禁言中，繼續被封殺。兩者差異在於Baby當初只係疑似去睇騷，張嘉倪就親自打卡入場，所以Baby先可以提前解封。不過仍有網友唔買帳：「所以事件就這麼輕描淡寫過去了？」亦有人寸Baby為復出，就狂講阿仔嚟「洗白」建好媽媽形象，但都有好多網友幫佢講好說話：「媽媽提孩子很正常」、「一直都是Angelababy帶小孩」。

不過今日（15日）Baby多年長駐做主持嘅內地綜藝節目《奔跑吧》第12季官宣，Baby再次冇影，未知佢幾時會正式現身內地市場呢。