網友偷拍素顏眼鏡正妹　竟然係台灣氣質女神！

網友平時出街偶遇到靚仔靚女，有啲人會選擇偷拍對方索樣，再放上網「尋人」，試圖搵出對方社交網再Follow。近日有位素顏眼鏡正妹就喺上海現身，有網友就影低佢身影放上網，竟然都引起網友熱論。呢位靚女一身休閒打扮，外套、長褲、小白鞋，大方地直接坐路邊梯級，如此美女就咁坐喺鬧市人多嘅地方，同友人喺樹下吹水，不過網友定睛一睇，原來佢就係台灣氣質女神張鈞甯！

雖然佢素顏又戴黑框眼鏡，仍然散發出女明星獨特氣質，偷拍嘅網友仲留言大讚：「普通人和女明星真的有隔！本人頭小到只有我的巴掌大，沒戴口罩也沒有任何遮掩，一整個鬆弛感拿捏。」仲話佢之後幫自己簽名Nice爆，仲被踢爆係去睇安溥演唱會。佢自己都喺社交網上載多張合照，無論素顏、四眼定化好妝都咁有氣質，點睇都係大美女。