张敬轩送学位畀洪嘉豪：做哥哥紧系要供书教学！

歌手洪嘉豪（Kaho）昨晚（14日）举行演唱会尾场，并邀得张敬轩（轩仔）担任嘉宾，将全场气氛推上最高潮，两人合唱了《青春告别式》及《 逆时车站》之后互相拥抱，Kaho向轩仔表示：“我真系好多谢你，做人嘅嘢，讲得出做得到，上次我话我上到红馆我会请返你，我做到啦！”

轩仔表示在台下看着Kaho演出，人生第一次感觉由细见到大的小孩子，真的长大了：“嗰个放咗学嘅波牛，嚟搵佢妈咪（轩仔前经理人）收工，同我一齐食饭嘅佢，今晚已经系男神一样。今日仲同我讲好惊好震，但一升台佢就已经Prince Charming咁啦，系咪？”全场报以热烈欢呼认同声音。

轩仔笑言不知由何时开始，去红馆做嘉宾要送礼：“今日我都带咗份礼物嚟，既然你成日话我似你哥哥，做哥哥就紧系要供书教学，所以我帮你安排咗个学位！”此语一出，令Kaho及全场哗哗声，他续说：“喺我人生之中，我觉得最大最大遗憾系我冇好好读书，读唔到大学或者一啲我锺意嘅艺术课程，所以我帮你报读咗...呢间学院嘅online课程！你哋唔好笑，我好认真㗎，呢个课程系有证书㗎！上堂时间系2024年秋天，亦都唔会担误到你幕前工作，因为上堂时间系美国时间，香港凌晨！”然后把报读课程的报名认证文件给Kaho看，并谓：“我blur咗个报读价钱，我一共同你报咗5个课程，全个证书上堂上到2025年冬天。”Kaho及后认真向轩仔感谢及承诺谓：“我会好好读书，祝我学业进步！”又问读完有冇毕业帽？轩仔就话：“呢个课程同真系去大学返学系一样，甚至读嘅嘢比去波士顿读更多，你读哂嘅顶毕业帽，我送畀你！”

另外，昨晚Kaho与战车一同升台唱《黑玻璃》，唱到大半，他突然情绪失守大哭，而且一直喊足3首歌才识停，歌迷见他喊到唱不到，马上全场大合唱，场面感人。事后他于台上向观众解释：“寻晚第一场，大家睇片可能觉得冇乜嘢，但系我觉得自己做得好差好差，去到《黑玻璃》之后，我简直系唔想再唱，唔想再上台，但系今日我觉得自己唱得好好，点解寻日我会咁，好激气。寻晚我返到屋企，我同阿妈讲，个个都叫我enjoy，但系我冇一刻enjoy到！我好失望，成个骚唔知自己做紧乜嘢。”