李佳芯雪藏被擺上枱　TVB節目攞正牌狂寸「未融晒雪」

視后李佳芯（Ali）遭無綫雪藏多時，最近才「解凍」有劇拍，昨日（14日）播出的節目《福祿壽訓練學院》中，李思捷就扮演Ali的經典角色「智能人」阿寶，但就將《智能愛人》變《智能雪人》，句句抽水狂寸Ali。

一開始李思捷已狂提Ali剛解凍：「如解凍，請講解凍！」、「啱啱先由個雪柜行出嚟，所以我覺得有啲凍」，之後李思捷重演換衫一幕被打格仔，亦明顯影射Ali被內地平台「打格仔」一事：「唔緊要啦，我都慣咗打格仔㗎啦，仲可以打埋塊面添。」最後一段李思捷再表示：「拍劇集，做綜藝。拍劇集，做綜藝。對唔住，我啱啱解完凍，啲雪仲未融晒。獎門人以迫切的聲音叫我即刻去開劇。」抽水無極限！