星玄｜獅子男羅志祥個唱舞台燈光衝出國際奪大獎　獲網民激讚

今日係4月16日農曆三月初八，獅子座嘅朋友運氣好到令人羨慕，最啱做多啲有意義嘅事。台灣舞王羅志祥（小豬）就係獅子座，佢去年開啟巡迴演唱會，繼今年1月舉行香港站之後，仲會分別到泰國、馬來西亞、中國等多個地方舉行巡唱。而小豬昨日（15日）就喺社交網上宣布，台灣小巨蛋嘅舞台燈光設計，奪得美國《MUSE Design Awards》中的「最高榮譽鉑金大獎」，唔少網民得悉後都紛紛大讚，更大問：「今年還會在小巨蛋開唱嗎？」

此外，小豬早前趁新春期間去咗日本學滑雪，仲將成果拍片放上網，短短兩日已經上晒手，喺雪地上自由滑行，唔少網民睇過條片，都話佢似係老手多過新手，甚至有人問佢學兩日就識，係咪天生就係滑雪高手添，運氣果然好到令人羨慕。

至於，肖豬嘅朋友事業呈現上升之勢，敢闖敢拼有錢賺。肖豬嘅陳星妤去年憑劇集《一舞傾城》成功彈起，喺3月中又同陳豪、馬國明、黃宗澤等3大視帝合拍新劇《執法者們》，事業絕對係呈上升之勢，未知星妤會唔會想轉戰北上拍劇，外闖搵真銀。