鮮娛糧︱健身室巧遇黃宗澤　張繼聰「奸計」騷爆肌手瓜

提起娛圈中的「大隻佬」，相信張繼聰必定入選，由出道時的「排骨仔」，瘋狂健身之下變身「大隻佬」。沉迷健身的他，最近初次在健身室竟然巧遇黃宗澤（Bosco），兩人更加與著名健身教練Brenda齊齊合照。不過合照焦點就落在張繼聰的超粗手臂及飽滿的二頭肌，驟眼看阿聰身形更比Bosco大一個碼。事後阿聰都說笑指自己機心重，刻意擺姿勢谷出粗臂，亦有網民「踢爆」阿聰讓Bosco拿手機自拍，留返自己隻手臂入鏡，阿聰就以奸笑Emoji回覆。

雖然今次Bosco似乎被阿聰「利用」，但相信他不會介意，因為Bosco、阿聰相當老友。2016年已經在TVB劇集《幕後玩家》合作，Sheldon、Tim少兩位好兄弟更極受觀眾歡迎，而上年上映的電影《紮職2》以及仍未上映的《紮職3》中，兩人又再飾演好兄弟。依我說，下次Bosco不如拍下阿聰操肌至面容扭曲的相片「報復」吧！