星玄｜虎仔陳家樂為電影業打氣　揚言會努力演好每一個角色

今日係4月17日農曆三月初九，肖虎嘅朋友遇到熱心嘅貴人，事業發展稱心如意。肖虎嘅陳家樂唔單止電影一部接一部，而《第42屆香港電影金像獎》剛剛圓滿落幕，家樂穿上帥氣西裝，夥拍朱栢康齊齊行紅地氈兼做頒獎嘉賓，家樂喺社交網上留言表示：「感謝金像獎給予我機會做頒獎嘉賓，讓我有機會站上這舞台，繼續努力，演好每一個角色，香港電影加油！」

此外，家樂喺今年元宵佳節對外宣布，榮升做準爸爸，早前出席首映嗰陣，就話老婆預產期係7月，每次陪連詩雅去做產檢都會激動到喊，事業家庭兩得意嘅佢早就同英皇續約，仲得到楊受成博士預支8位數畀佢，令家樂可以同屋企人合資半億，買入何文田1,500呎豪宅，首嘗做業主滋味，楊博士仲唔係家樂熱心嘅貴人。

至於今日幸運星係處女座，投資有進帳，但唔能夠強求，要見好就收。「長腳蟹」呂慧儀就係處女座，佢喺《愛‧回家之開心速遞》飾演「熊若水」一角而大受歡迎，去年仲大展拳腳做老闆，投資6位數創辦藝術教育中心，「長腳蟹」你投資有進帳都好，記得要識得見好就收呀。