李元玲晒昔日肥妹相　靠自律操出性感身材

馬來西亞「鋼琴女神」李元玲琴技了得之餘，身材亦相當驕人，32C完美身形實在讓人羨慕。不過原來女神嘅體制並非食極唔肥，一路都Keep住Fit爆身材全靠自律做運動。近日佢喺社交網晒出對比圖，自揭曾經都做過體重超過50kg嘅小肥妹，更鼓勵網友「塑身成功不是一個成果，永久性持續才是目標」。

只見相中佢嘅身形較現時圓潤唔少，腰間有明顯贅肉凸出。佢又表示自己有身材焦慮，所以唔會允許自己肥超過6個月，而且依家已經不再為食，每日都會Keep住自律模式，控制飲食及多做運動。有呢種自律精神，難怪佢擁有咁Fit嘅身材啦！