黃劍文為節目獻聲　有戲癮恨拍劇兼做主持

《中年好聲音2》參賽者黃劍文今日（18日）出席無綫節目《地球大神秘》記招。黃劍文今次為節目獻唱主題曲，他笑言歌曲在兩星期前已經錄好，稱歌曲具挑戰性，錄音期間有很多人在場從旁指點：「Key喺OK，但個演繹方面仲需要揣摩。」又謂自己由比賽到現在都沒有好好休息，昨日更到澳門拍攝訪問節目，今早又特地回來染頭髮出席活動。

談到未來工作計劃，黃劍文指想有更多新嘗試，不介意百變形象：「無論跳唱、定做主持、拍電影、拍劇、音樂劇，都想試吓，而且我好有探索精神，如果呢個節目嘅攝製隊願意帶我去，我一定願意。」他又透露接下來會有一個短假期，將飛到新加坡探望朋友：「因為我張機票都已經Book咗兩年，每一次都因為工作而延遲（探男定女？）都有，因為以前Working Holiday識咗好多人。」又言現階段會全心全意投入工作，希望有更多工作機會，不過如遇到心儀的人，亦會考慮：「因為如果你有好多工作，但陪唔到另外一半都衰。」