王丹妮腹部微隆似有喜　同老公「網戀」維繫感情

女星王丹妮（Louise）與「郎朗老婆」吉娜愛麗絲(Gina Alice)今日在中環出席活動，Gina Alice更即席以鋼琴演奏一曲。

王丹妮剛由多明尼加共和國拍攝全英語對白演出的電視劇《Coolie》4個多月後回港，她笑言出發前剛新婚就與老公羅孝勇變成「網戀」，期間會相約一齊在網上睇戲、講電話、分享照片，靠小情趣維繫感情，她說：「老公下星期一返港，終於可以見面，但因為自己有工作在身，都唔可以去旅行。」她續指分隔兩地反而能增進感情，因為大家也明白不再是十八、廿二歲玩玩下，已經肯定對方的愛，所以很放心和信任。

講到拍劇時成為張孝全的「鐵粉」會否令老公吃醋？她笑說：「佢唔會嘅，佢好明白，我哋公私分明。佢喺劇裏面嘅造型，我哋所有女士都畀佢迷倒。」提到今日亮相腹部似乎微隆，問到是否有喜？她笑說：「唔係啩，冇呀，可能係條裙嘅褶，冇呢個時間，同埋好可疑喎，我5個幾月冇見過老公，個時間唔啱喎。」她笑指除非有「意外」，否則兩三年內大家會先努力工作，待老公成為醫生後再「造人」。