沈震軒孖陳欣妍拍片放閃　輕鬆吸過百萬點擊

沈震軒（Sammy）跟女友陳欣妍（Shirley）經常拍片分享日常生活，近日二人到teamLab超自然空間感受感觀與視覺體驗，片段上載兩日已達百萬點擊，認真厲害。

出發前，Shirley趁赤膊的Sammy在酒店房的洗手間梳洗時舉機拍攝，Shirley向正在噴hair spray的Sammy投訴：「你知唔知你每日嗰啲噴噴噴，我都聞住㗎？」不過Sammy一於少理，隨後Shirley又問到「想問吓男仔出門前，除咗gel完頭，仲有乜嘢要做？」Sammy即謂：「撩鼻屎。」Shirley即厭棄道： 「又撩鼻屎！」

鏡頭一轉，二人已着靚靚去到teamLab，Sammy坦言不明為甚麼女生一見到花、閃閃的東西便會「發晒癲」，又謂表示一開始只是做「伴讀書僮」，陪女友玩玩，但最後自己都變成小朋友，跟女友不停互拍、自拍放閃，網民紛紛留言「閃爆、已盲」，又不停催婚， 認真sweet。