「超人」亨利卡維爾新片玩即興　伸脷癲喪樣成焦點

擅長拍攝型男動作加黑色幽默的英國導演佳烈治（Guy Ritchie），繼2015年電影《特務型戰》（The Man from U.N.C.L.E.）後再與「超人」亨利卡維爾（Henry Cavill）合作，推出二戰動作新片《無限制軍團》（The Ministry of Ungentlemanly Warfare）！劇情改編自二戰歷史人物，講述英國首相邱吉爾與軍官弗萊明（Ian Fleming）為對付德國納粹，組織史上首隊特務部隊，由亨利飾演隊長Gus March-Phillipps，以各種陰濕手段獵殺敵人！弗萊明退役後，便是撰寫占士邦小說的著名作家，其角色亦在片中亮相。

亨利受訪時透露其中一幕他獵殺納粹成員時伸出舌頭的一臉癲喪樣，是即興度出來：「呢個係我同佳導一齊即興度出嚟。佳導話：『我想你表現得好玩啲，例如伸吓脷咁樣。』我哋試完就覺得好就保留咗，呢個係我哋第一次決定Gus喺呢啲情況會喪喪哋，咁樣更加過癮。」