李多慧小背心熱舞狂放電　心口「彈彈波」勁震撼

韓國啦啦隊女神李多慧魅力無限，有樣有身材之餘，實力亦唔講得笑，最近佢仲推出個人單曲，風頭可謂一時無兩！熱愛舞蹈嘅佢唔單止喺球場上一展舞姿，仲不時會喺社交網上載跳舞影片，因此獲得唔少忠實粉絲關注。

最近韓國新人女團ILLIT新歌《Magnetic》中魔性舞蹈深受網友歡迎，吸引唔少人翻跳，李多慧都唔輸蝕喺社交網分享翻跳影片，只見佢穿着白色短款小背心搭配粉紅色工裝褲，緊身嘅設計勾勒出其凹凸有致嘅曲線，誘人纖腰一覽無遺，心口彈下彈下勁搶Fo。期間佢仲對住鏡頭扭腰擺臀狂放電，粉絲紛紛湧入留言區大讚「跳舞果然還是得多慧呀～」「看不完！！這個影片真的看不完」、「我沒了，太好看」。