黃翠如體驗露營車生活　偕周奕偉拍床照沙龍

黃翠如、周奕瑋及C君主持的無綫全新旅遊節目《Grand住去台北》今晚（20日）首播，3人以「相愛相殺」的搞笑方式，帶領觀眾體驗台北的不一樣豪華體驗，又首度享受包機外遊滋味。

體驗露營車期間，翠如模特兒上身大晒玉臂跪求「攝影擔當」C君影靚靚寫真，而在Room tour時他們大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後他們各自在精品商場搵節目，翠如獨自到了一間以文青風做主打的書店尋寶，並大爆自己外遊時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」