關心妍爆阿女識晒佢啲歌　中文突飛猛進

歌手關心妍（Jade）今日（20日）現身新城廣播節目《詩歌有Guide》接受主持漢陽訪問，現場所見，Jade頭髮愈剪愈短，她指8歲的女兒心心也是冬菇頭髮型，正好襯成母女裝。

Jade近日先到廣州、佛山和澳門開騷，六月又會去東莞，只要時間許可，都會帶女兒同行，女兒也很享受上台獻唱，她也很珍惜與女兒這種「另類」親子活動。早前她擔任《中年好聲音2》的客席評判，女兒因此多聽媽媽年代的經典歌曲，可以琅琅上口，Jade的歌全部識唱，中文程度突飛猛進，Jade爆女兒很鍾意《中2》歌手：「心心好鍾意譚輝智、林若盈和安雅希，見到中二生同我合照，心心覺得好奇。」日前她帶女兒捧《中年好聲音２慈善演唱會》，問到黃劍文與陳蒨葶咀嘴場面，需要家長指引？她笑指當晚她同老公掛住拍照，錯過了咀嘴一幕。問到將來會否讓女兒參加《聲夢傳奇》？她指女兒沒有太大表演欲，本身其實好怕醜，比較喜歡籃球運動，她覺得將來無論唱歌好，或做運動員好，現時最主要讀好書，完成大學再決定：「要畀佢試，如果真係咁有天分你係阻唔到，如果唔係就唔好勉強。」