冼靖峰被爆是「膽小老鼠屎」　Duncan半裸玩水上遊戲

無綫音樂綜藝節目《聲夢1+2》在今晚（20日）播出的一集中，除了有《聲夢》兩季畢業生外，還邀得選秀節目《亞洲超星團》的冼靖峰（Archie）、余宗遙（Dez）、區珀豪（Pako）和 文佐匡（Sean）參加，他們會分成兩隊大比拼。

由於在水上樂園進行遊戲環節，身為隊長的侯雋熙Duncan「輸人唔輸陣」，半裸騷巨胸兼結實腹肌出戰，相反《亞洲超星團》代表的Dez、Pako 和Sean穿T恤上陣之餘，內裡更加配長袖潛水衣打底，當中Dez更著埋長褲，相當錫身！至於另一位Archie全程聲控指揮隊員，獲委派出動的Dez將歌曲《食軟雪糕》講錯為《軟雪糕》，其後Dez不甘心在鏡頭前踢爆Archie才是「膽小老鼠屎」：「隊長話佢唔想落嚟，就派我落嚟，佢同我講係《軟雪糕》，我問咗佢三次『You sure?』，佢話『Very certain』。落到嚟，差個食字，唔食點有軟雪糕吖！」而在另一個遊戲中，需要在短時間內分辨顏色及圖案，結果「綠色橙色傻傻分不清」的Dez成為老鼠屎。