洪嘉豪完成紅館個唱　目標年尾上頒獎台

歌手洪嘉豪完成首個個人紅館演唱會後，立即開工出為其最新專輯「Inner|Child」宣傳，可謂非常努力！他透露新碟想表達每個大人心裏面都住了一個小孩：「碟裏面嘅設計，包括封面等其實都有好多歌曲嘅元素畫咗喺上面，亦都係我作為一個大人去咗公園影咗好多唔同相，有啲chok樣，有啲就鬼馬啲，想飾演返唔同時段。」

講到之前一連兩場的演唱會，嘉豪自評表現只有7、80分：「仍然有好大進步空間，喺唱歌方面係比之前好咗，證明練習係有成果，但係有啲處理上可以更好，尤其係第一場做得冇咁好，但係尾場去到尾段進入咗一個瘋狂狀態，我已經唔會理首歌係點，我覺得我點唱都得、點都唱到！」至於下一個目標，嘉豪稱希望可以發掘更多可能性及於年末各大頒獎禮上獲獎：「想發掘一吓到底有冇其他類型嘅歌適合自己，亦都希望喺唱歌方面繼續進步，同時想涉獵音樂以外嘅嘢，當然想有機會喺頒獎禮攞獎。」