請Nathan做嘉賓引軒然大波　陳蕾：依家心情平靜！

歌手陳蕾今日（21日）出席活動，即時與現場過百名粉絲大玩電子遊戲，以賽車遊戲和粉絲進行決鬥。熱衷於打機的陳蕾透露昨晚在網上開直播打機，由晚上九時玩至凌晨四時：「其實我關咗直播之後仲繼續玩，玩到條頸都梗晒，仲有少少瞓捩頸。」又謂昨晚開直播的原因是為了今天的活動而備戰，並指很榮幸大眾認可她的打機實力。

工作方面，她表示正在開始投入創作，要開始寫新歌：「因為我啱啱出咗隻唱碟，所以依家冇歌喺手（有冇朋友需要你寫歌？）暫時未有。」又言演唱會後，去了日本旅遊十天。講到早前陳蕾在演唱會上邀請了魏念恩（Nathan）作嘉賓而引起極大爭議，問到現在心情可有平復？陳蕾就表示現在心情平靜，指打機好開心，可以有助她放鬆，續指現在生活非常充實，安排了很多娛樂給自己，又指朋友推薦她使用外語學習應用程式，放便旅遊時與當地人溝通。