Anson Lo開腔回應粉絲大戰　擔心神徒安危

人氣男團MIRROR兩位人氣王姜濤及Anson Lo（盧瀚霆）昨早完成美加演唔唱會返港後，驚聞機場前一晚出現「神徒大戰姜糖」情況，兩派粉絲因爭位引發衝突，初則口角繼而動武，消息傳出自然令兩位偶像十分擔心！

Anson Lo今日受訪坦言：「飛機差唔多到達香港嘅時候，我就知呢件事。當時公司仲了解緊情況，究竟發生過啲咩事，而我自己最擔心係安全問題，任何人我都唔希望有危險，所以第一時間我都係問有冇人受傷，有幾多人受傷。後來知道有人受傷，我就問傷勢點，好擔心大家嘅安全，所有嘢都唔重要，安全最緊要。（會唔會同啲粉絲傾吓，希望唔好有下一次？）但（接機）安排唔係我話事，每次都係睇大會嘅安排，下次都係要交番畀佢哋去研究嚴重性究竟去到邊，需唔需要作出一啲特別嘅安排。」