E奶林襄過瘦被嘲「骷髏跳舞」　高EQ反擊

台灣啦啦隊林襄樣靚身材正，有着E Cup導彈胸及甜美外貌嘅佢，人氣紅遍亞洲地區。而今年3月跳槽去味全龍做「小龍女」嘅佢，人氣相較之前喺「樂天女孩」時下滑唔少外，更隨着球季開賽出現唔少質疑嘅聲音，甚至有網友直言林襄過氣，對此林襄亦難得公開回應。

林襄自從加盟「小龍女」後，一舉一動都備受各界矚目，然而日前現身大巨蛋開幕戰應援嘅佢，就畀網友嫌棄道： 「穿樂天的制服比較美，現在只剩尷尬」、「這麼尷尬不能只有我看到！」而隨着正式開賽在即，唔少網友亦紛紛喺社交網批評佢人氣下滑：「早就不滑了，尤其韓妹又大進攻！」、「啦啦隊似乎有點降溫了。」外，甚至連林襄嘅身材亦被網友拎嚟做話題道：「沒人想看骷髏跳舞！」、「太瘦了，而且是不健康的那種。」對此，林襄亦難得正面回應，表示自己一直都好認真及努力生活，只係因為運氣好先被人注意，對於網友嘅負評亦未有太在意，並不忘幽默道：「鑽石到哪都會發光，欣賞我們的人還是會欣賞我們。」面對外界嘅酸言酸語，林襄亦保持一貫嘅大方態度。