蔡嘉欣29+1 High爆開P　失控喪扭蛇腰不敵巨乳

2019年「拜金港姐」蔡嘉欣（Kayan）去年下嫁有米男友Derek後仍然玩到癲，即使佢生活富泰做人妻，但係尋日（21日）佢就大搞Aerobic主題生日派對，圈中圈外好友都齊人出席，尤其《姊妹淘》多位索女主持包括莊思敏、陳詩欣、吳若希、何依婷、王子涵、鍾晴等都有份現身，齊齊預祝Kayan 30歲生日。

見主角以一身螢火蟲打扮示人，雖然用螢火綠satin單車褲打底，外面搭Shocking pink高衩一件頭貼身泳衣，簡直係全場最住衣着，令佢對長腿望落成45吋咁！其他到場好友都一律跟足dress code，當中就有吳若希老公Alex「裝假狗」，喺低胸貼身舞衣入面攝咗個40吋假胸，相反吳若希只係以運動褲+ Sports top上陣，保守好多。

Kayan見大家咁投入，佢都狂舞盡興，見佢轉發被好友多次影低失控舞姿，喪扭蛇腰、屹籮又大叫，High到爆炸，就算全場得佢一個跳舞都唔理眾人目光，照扭照揈，主角光環唔畀人搶走。