鹿晗豪擲重金彌補童年遺憾　6年狂捐10座足球場

內地頂流男星鹿晗平時除咗同女友關曉彤個名擺埋一齊外，大家都知佢係足球狂熱分子，近日佢發文表示公益足球項目再次啟動，仲自爆喺短短6年間就已經完成捐贈10座足球場，幫助內地小朋友完成足球夢！

鹿晗指自己自2018年成立「足球第一課」公益項目以嚟，喺6年間實現公益足球場建設，達成「從0到10」目標，第10座公益足球場亦將喺黑龍江正式啟用。對此，佢亦透露多年嚟捐贈公益足球場嘅原因，原來係關佢嘅童年遺憾事：「我小時候要是想踢場球，就得坐好久的車，它才有一個這麼好的場地去踢球。國內的球場還是不夠多，有些偏遠的地方可能沒有球場，我覺得修點好球場，對於在那兒的愛踢球的孩子們來說……我覺得是一個非常好的事情，讓他們看到希望吧至少。」即獲網友大讚佢善心爆棚，依家賺到咁多錢，都願意以重幫自己搵番童年冇嘅嘢，更散發公益正能量。