《愛．回家》譚坤倫宣布離巢：度過了非常精彩的13年

藝人譚坤倫憑無綫處境劇《愛．回家之開心速遞》飾演「IT三子」其中一員「CPU」，而備受觀眾關注，更因角色操出一身爆肌，帶挈他接拍廣告。不過昨晚（21日）他在社交平台發長文宣布離巢，文中他先是感謝《功夫新星》的所有人，表示因為當時衝動參加而成為藝人，讓他度過了非常精彩的13年，並坦言自己曾經歷過一段長時間的失業。

之後他又感謝《愛回家》副導演邀請，「其實好耐之前我就好想加入開心速遞，呢套劇集幫咗我好多，令到一個內向嘅我，慢慢打開自己，尋找演員嘅自我創作，然後得到觀眾嘅笑聲，慢慢增加咗我嘅自信心。然後多謝珍姐，監製林建祥，俾咗更多演出機會我哋，亦都好多謝編劇知道我鍾意健身，寫咗個腹肌IT男出黎，令到我終於終於有感情線，我對唔住Gigi，要你再發掘下一個腹肌男。」最後他亦説到：「依然會繼續一直係呢個行業發展，歡迎大家搵我合作！」