「最仙女團長」Rina爆戀情　秘密同居細4年球星

台灣啦啦隊「樂天女孩」成員Rina（謝艾娜），有着玲瓏浮凸好身材嘅佢，不時喺社交網大派福利騷Quali，加上清新脫俗嘅氣質，更係圈粉無數。而據台媒報道，Rina上月被發現喺桃園市龜山區，同職籃桃園璞園領航猿隊球星陳昱瑞，喺居酒屋撐枱腳，用餐完畢後由Rina揸車番去一處住宅區，直到隔日凌晨都未見2人出門，直到翌日下午1時許，陳昱瑞出門拎外賣，而2人更直至下午4點先一齊從大門離開，似乎正處於熱戀期。

事實上，身兼多職嘅Rina同時有着健身教練、舞蹈老師及廣告演員等身份，多才多藝嘅佢目前更係啦啦隊嘅應援團團長，加上一對招牌美腿，每次現身都會惹起熱議，亦因為有着出眾嘅曼妙身材，有着「球場上的百變女王」嘅美名。