鲜娱粮︱蔡嘉欣拜金都可以精明　“悭家”开箱名牌手袋

“拜金港姐”蔡嘉欣自从自认系“拜金KOL”之后，佢啲炫富开箱片偏偏最多人睇，因为佢成日都买到大家排队都排唔到嘅限量包包，代替网友满足一下“购物欲”。今次佢又再次拍奢侈品开箱片，分享新入手嘅三个名牌手袋及靓鞋，估唔到佢原来都好“悭家”。

其中一个手袋佢用商场积分换购，另一个手袋则系由代购买入，所以比原价略贵，而该包包公价约4万5千元，第三个手袋佢就自爆用咗2万8千蚊入手。蔡嘉欣又分享三对名牌靓鞋，佢强调系趁减价6折时购入，只有一对鞋系原价。网友见佢都系等减价或者有优惠时先入货，虽然价格都仲系令普通市民望尘莫及，不过都好多人大赞佢“精明拜金”，都系量力而为。