台灣餘震小朋友唔敢瞓　隋棠感動老師特殊處理方式

台灣自本月初花蓮大地震後，餘震已破千次，規模5級以上餘震共計48次，凌晨亦多次感受到恐怖餘震，震醒咗之後就瞓唔番，令台灣居民人心惶惶，晚晚都瞓得唔安樂。當中台灣女星隋棠就透露，佢啲小朋友同樣深受其擾，導致隔日上堂時精神不濟，但因請假時數就達標，所以只好繼續送小朋友去返學，不過老師嘅特殊處理方式就令佢相當感動。

隋棠發文透露，22日凌晨發生地震後，3個小朋友因此被震醒後難以入睡，原本因擔心孩子太攰，打算畀佢哋請假喺屋企補眠，不過礙於先前帶孩子出遊時，請假天數已經接近學校規定，所以最後都係照返學。小朋友放學就同佢講，老師畀想瞓覺嘅同學可以自由躺平睡覺，仔仔Max都喺學校安心瞓咗兩節課，令隋棠聽完都大讚：「以人為本的老師們實在令人激賞」。