郭富城囡囡遺傳最強基因　黑超遮面星味十足

天王郭富城（城城）同太太方媛育有兩名囡囡Chantelle及Charlotte，夫妻二人對寶貝女愛護得無微不至，每次分享家人合照時都會為囡囡遮面保護佢哋，不過近日二人竟然難得讓囡囡「露面」！方媛近日帶埋囡囡參加婚禮，只見佢哋身穿白色公主裙，雖然戴住眼鏡但都難掩出眾美貌，年紀細細就有着精緻嘅五官，相當乖巧可愛。靚相曝光後，唔少網友都大讚佢哋遺傳到父母優良基因，稱佢哋為「最美星二代」。