連詩雅陳家樂慶祝結婚一周年　愛的告白冧到暈

藝人連詩雅（Shiga）同陳家樂（Carlos）去年4月24日拉埋天窗，今日（24日）適逢兩人結婚一周年，不時透過社交網同粉絲分享生活點滴嘅連詩雅，亦晒出婚禮當日嘅靚靚婚紗相，並開心道：「A year ago today！眨吓眼就過咗一年，好似係尋日嘅事，緊張咗一整日，事前好多嘅工夫，但係望返轉頭，覺得係個一世都會記得嘅回憶。轉下眼我哋將踏入另外一個身份，希望一切都順利，一家人開開心心，身體健康，繼續互相包容，互相愛護，一齊成長！Happy 1st Anniversary！」