MIRROR巡演取消機場粉絲區　鏡粉不滿攬炒

人氣男團MIRROR成員Anson Lo（盧瀚霆）捲粉絲糾紛風波，昨日再有「報料」指日前於機場發生的粉絲團衝突事件，乃有人「出茅招」所致。有讀者報料講述「神徒」與「姜糖」日前於機場衝突的原委，有自稱「鏡粉」指部分「神徒」及「登神粉」（盧瀚霆與呂爵安的粉絲）用盡方法霸位，竟出茅招主動聯絡執法部門，望現場「洗牌」再重新排隊，其他不想搞事的「鏡粉」被迫讓步。而接機當日有「神徒」強行撞向「姜糖」望佔頭位，才搞到有人受傷，此時場面已有點不受控，機管局才安排「神徒」到另一出口等Anson Lo。報料者指不滿「姜糖」遭人抹黑，矛頭直指「神徒」。

而早前姜糖與神徒在機場貴賓區接機時，疑因霸位問題起衝突，MIRROR所屬公司MakerVille經和機管局商討後，決定MIRROR下月（5月）1日於新加坡開巡唱，在香港機場往返新加坡時，將不設fans送機及接機等候區，只設傳媒訪問區，並感謝鏡粉對此次安排的體諒。

對於被「一刀切」不設粉絲區，有粉絲就大感無奈：「依然全部粉絲受攬炒之苦，連守規矩嘅粉絲都冇位送機，接機，覺得好無辜。」而在12子粉絲團中，姜糖反應最大：「MIRROR 5月1日喺新加坡開騷，因為姜濤4月30日過25歲生日，所以啲姜糖想趁佢飛新加坡時，喺機場同佢預早慶祝生日，但依家機管局唔准，佢哋都好忟憎，好頭痕，好大影響，所以又繼續去信機管局投訴。」