劉佩玥4分半鐘法庭戲晒喊功　難度高感壓力大

藝人劉佩玥(Moon)於無綫劇集《逆天奇案2》以新身份登場，與上輯的角色完全不同，今輯更完美地演繹巴渣及爛賭感覺，令人眼前一亮，Moon受訪時笑言今次角色超級好玩，她說：「本身佢係唔跟規矩、唔跟正常邏輯去行事嘅人，所有嘢都係靠住佢嘅小聰明，同埋呢個角色真係好好運，所有嘢都可以化險為夷，呢個以運氣擔當嘅實力派，之後會搞出好多麻煩嘅事！」雖然好玩，但Moon不諱言該角色雖然很大體力：「因為佢係黐黐地，同現實嘅我都好唔同吓，演起上嚟都有一定難度。」

而她於劇中法庭戲大晒演技，獨攬差不多約4分半鐘戲份，期間還邊淚如雨下，Moon坦言該場戲很複雜：「演嘅時候要諗，點樣令到觀眾既相信又懷疑，呢個係難度所在。(點培養情緒應付喊戲?)主要係令自己放輕鬆，因為淨係諗點喊係會有壓力同會做得唔夠好，要諗方法令到自己精神好集中。當我坐喺度時照住情緒去演，所有嘢就會順利完成，當知道導演佢哋都好滿意，我都好有成功感。」