結婚一周年！陳家樂發表愛的宣言冧妻：做咗十世善事

藝人陳家樂（Carlos）同老婆連詩雅（Shiga）喺去年4月24日正式拉埋天窗，今年7月將會誕下二人嘅愛情結晶品，認真幸福甜蜜。而昨日（24日）係兩人結婚一周年，連詩雅晒出婚紗相慶祝後，陳家樂亦喺社交網分享同老婆嘅自拍。Carlos向老婆發表愛的宣言：「個個朋友都話我上世唔知做咗咩好事，娶咗個咁好嘅老婆，我覺得唔止上世，應該係做咗十世善事，先可以今世成個大爺咁。」認真羨煞旁人！之後又表示兩人嘅密月旅行要再等多陣，因為老婆仲有更加重要嘅任務，相信係指Shiga依家有孕在身，等生完BB兩人再度蜜月，而Shiga隨後留言：「Love u」、「期待」。