汪小菲暫時放過大S　自爆大鬧台北警局終極原因

台灣女星徐熙媛（大S）前夫汪小菲日前突然轉口風，本身同大S鬥到上法庭嘅佢，指接受未婚妻馬曉梅（Mandy）建議，決定放手唔同大S爭取仔女撫養權。近日，汪小菲多次開直播並談到此事，提到大S目前疑似封鎖佢，但佢似乎亦已睇開，認為如今去到台北就好似觀光咁，來日方長，自己都唔想再同前妻計較，直言：「跟她爭甚麼呀，沒意思。」

汪小菲又提到3月赴台時突暴衝警局一事，佢坦言當時係為咗家人先會一時激動，搞到失控：「沒辦法，突然一股腦勁兒上來了。」並透露「這次來還是沒見到（家人）」忽然性情大變，同近年同大S愈鬧愈轟烈嘅行為大相逕庭。