莊思敏河源買樓做包租婆　網友揣測係賣廣告

馬來西亞拿督千金莊思敏近年主攻內地發展，並頻頻透過社交網同粉絲分享生活點滴，日前更晒出自己最新嘅投資大計，分享自己喺內地河源收樓嘅片段，更透露自己早喺4、5年前已經買入，直至近日先正式收樓，從片中所見莊思敏雖然買嘅係清水樓，但空間相當闊落之餘，落地窗嘅設計更係採光度十足，似乎相當滿意嘅莊思敏仲大讚周邊環境好兼有好多學校：「所以收租應該唔錯！」

不過對於莊思敏喺河源買樓嘅決定，有網友認為樓盤行銷手法：「肯定是開發商請莊思敏出席開盤儀式和一系列宣傳活動，然後送她一套房子。不然的話，怎麼可能買到河源，還是13層。」