周奕瑋趁機入巿　大阪置業做業主

藝人周奕瑋公布喜訊，宣布作出「重大決定」，正式簽下買賣合約成為大阪業主。首次置業的他表示：「老實講，我都畀自己呢個舉動嚇咗一跳，因為今次係我人生第一次買樓，仲要唔算諗咗好耐，就落呢個決定。不過有時就係咁，天時地利人和要來就來。再加上……今時啲Yen（日圓）真係好平，而家買真係抵好多。所以應該叫『金時地利人和』、或者『打鐵趁熱』。」

他透過社交平台分享相片，見單位相當四正，裝修和設計亦相當簡潔。他指選擇了交通及生活方便的大阪西區一帶、大正駅附近，表示：「嚟呢區嘅第一日，就遇上個好靚嘅日落、第二次去嗰陣仲睇埋河邊嘅滿開櫻花、河邊又有好Chill嘅餐廳、的確係自己想要嘅環境。」

周奕瑋接受東網訪問，透露該單位300呎、價值7位數：「7位數字呀，不過係7位頭，都算OK嘅，首期都係6位數字啫。」又指會用作放租：「當係投資囉，收樓之後都會放租做民宿，因為今次買嗰度佢哋本身都有管理公司，可以一條龍比佢哋搞埋民宿。」