E奶丟丟妹喪減44磅　3餐咁食唔怕反彈

有着「直播天后」美名嘅台灣網紅丟丟妹（李明珊），有着E Cup傲人上圍嘅佢，憑甜美靚樣及玲瓏浮凸身材圈粉無數，直播帶貨更係經營得有聲有色外，愛情方面更同樣迎來春天，透過社交網分享喜悅嘅佢，亦同時透露自己喺完全冇運動嘅前提下，一個月內瘦咗20公斤（約44.09磅），驚人成果引嚟唔少網友留言求教學。

日前，丟丟妹透過社交網分享收身秘訣，表示自己完全係靠飲食控制，首先要戒精緻澱粉、含糖飲料、炸物、烤物及麵包，要多食薯仔、番薯等原型食物，主食方面則推薦食熱量較低嘅海鮮，並舉例分享自己目前嘅餐單搭配，如早餐係2個雞蛋加一杯美式咖啡，午餐就會食番薯、3種蔬菜及魚，晚餐同樣3種蔬菜及一份蛋白質主食，如板腱牛、鱈魚、鯖魚或蝦之餘，丟丟妹更強調最好夜晚8點前食完晚餐，餐與餐之間如果覺得肚餓，亦可以食用低熱量嘅水果。