張振朗出場獲讚靚仔　吳業坤呷醋：冇人咁叫我

藝人吳業坤與張振朗為無綫音樂綜藝節目《聲夢1+2》任星級外援嘉賓，聯同《聲夢傳奇2》導師林奕匡和布志綸助陣，展開四輪音樂比拼，當吳業坤與振朗出場後，主持之一兼其中一隊隊長Sherman大讚振朗靚仔，振朗亦盡顯紳士風度讚對方「好靚女」回禮，此舉卻被吳業坤「呷醋」：「我出嚟嗰時唔話我靚仔嘅！」心情大靚的振朗，被問到可有信心帶隊員邁向勝利？他即笑說：「如果輸咗嘅話，幫你打爆吳業坤副眼鏡。」而於經典遊戲「你吹我唱爆波波」時，吳業坤與振朗邊唱《無賴》邊吹脹對方氣球，向來是靚聲之人的吳業坤，面對迅速膨脹的氣球嚇到走晒key，反觀振朗表現淡定，場面搞笑。