游嘉欣短髮Look電力十足　林正峰竟然唔Like

無綫藝人游嘉欣最近忙於拍新劇《武林》開工，為角色忍痛剪咗一頭短髮嘅佢，雖然最初有啲唔捨得，不過依家佢已經開始慢慢適應，佢日前於社交網大晒喺海邊影嘅靚相，以跌膊裝上陣嘅佢回眸一笑，電力十足，唔少男士都畀佢冧暈，大嗌「剪短髮都係老婆」！不過佢嘅緋聞男友林正峰都唔多Like，留言：「長頭髮快點回來！」而游嘉欣就未有作出回應，唔知佢會唔會聽話，嚟緊拍完劇之後就留番長髮呢？